Melide, 20 de febreiro do 2018 – A zona de aparcadoiro de autocaravanas de Melide quedou inaugurada esta pasada fin de semana cunha concentración de vehículos na zona habilitada.
A Asociación Galega de Autocaravanas desprazouse ata alí para celebrar unha das súas Asembleas Xerais Ordinarias e logrou reunir máis de cen vehículos na explanada do Campo da Feira melidense.
Ao longo da fin de semana máis de 200 persoas gozaron do ocio, visitaron o Mercamelide, fixeron un tramo do Camiño de Santiago e pasearon e fixeron as súas compras no mercado dominical.
Esta posta en marcha permite ademais de ofrecer un servizo de carácter público aos condutores, recuperar un amplo espazo que ata o momento atopábase sen uso. Aínda que a explanada do Campo da Feira era destinado a aparcadoiro, coas últimas modificacións sinalizáronse prazas de maior dimensión para autobuses, camións, autocaravanas e caravanas.