Ames, 10 de agosto do 2018 – Pacto x Ames ven de presentar un escrito por rexistro reclamando información sobre as queixas veciñais pola ausencia da Policía Local en numerosos eventos e polo peche da oficina de Bertamiráns en distintas ocasións.
Según o grupo político a situación da Policía Local afecta tamén a Garda Civil do Milladoiro coa que colaboraba activamente e que agora atópase sen ese reforzo. Pacto x Ames engade que, con respecto a anos anteriores, nestas datas a presenza da Policía Local está diminuíndo considerablemente.
Entre as ausencias que máis reproches xeraron está a da procesión da Madalena do pasado domingo ou os peches ocasionais da oficina de Bertamiráns algo que, según Pacto x Ames, hai anos que non sucedía. Tamén denuncian o botellón incontrolado acontecido na noite do luns no Milladoiro e que tivo como resultado que os arredores da Travesía do Porto amencese cheo de lixo.
Según Pacto x Ames “a situación creada polo goberno tripartito, co alcalde socialista á cabeza como máximo responsable da seguridade, volve a deixar a vista as grandes eivas dun goberno descabezado, sen rumbo, manexado polos máis radicais que non disimulan a súa falta de empatía cos uniformes e con todo o que representan”.