Ames, 12 de novembro do 2019 – Despois de pagar máis de 20.000 euros pola instalación dunha videoacta o concello de Ames vese obrigado a contratar a mesma empresa para poder obter o código fonte e ter todas as utilidades da aplicación.
O Partido Popular, que denuncia nun comunicado a situación, explica que en novembro do 2016 contratouse o servizo de videoacta por 21.417€. Aquela utilidade nunca chegou a implementarse xa que, ademais, non tiña validez xurídica según os populares. A nova contratación chega agora despois dun intento de licitaciónque quedou deserto xa que nin a empresa contratada no 2016 se presentara.
Según o PP o tratarse dun sistema integral, para que funcione correctamente e a pleno rendemento, é necesario implementar no aplicativo, unha serie de servizos dos que non se dispón, tal como un servizo de almacenamento nun servidor que permita a reprodución das Vídeo Actas con todas as súas funcionalidades, entre outros. Os populares indican que esta contratación coa empresa propietaria do código fonte ” provocará que o Concello de Ames estea atado a esta empresa permanentemente e de querer cambiar de sistema, volverá a ter que desembolsar unha boa cantidade de cartos”.
os populares amienses destacan ademais que as características técnicas que incorpora calquera sistema de Vídeo Acta deberá acreditar a súa integridade para impedir que sexa manipulado a fin de que o sistema poida ser considerada como Acta Oficial. O Grupo Municipal, Popular mediante unha pregunta dirixida ao Goberno socialista, puido constatar que a situación actual afectaba de algunha maneira ao sistema de autenticación legal establecida e a firma dixital correspondente, así como a súa situación de vulnerabilidade de cara a non permitir a manipulación das gravacións dende o comezo da mesma ata a súa firma mediante o certificado dixital de Secretaría.
Outras solucións
Na bisbarra é doado acceder a algúns dos plenos municipais que se celebran. Concellos como Santiago ou A Baña manteñen as actas habituais e retransmiten, ou publican, en Youtube as sesións. O propio concello de Ames ou o de Teo fan striming de audio cando se celebra un pleno.
A videoacta permite, en teoría, ter o control absoluto da gravación e serviría como documento legal. Pola contra ten un custo maior xa que hai que dispoñer de mais espazo nos servidores e aplicacións que permitan a retransmisión ou descarga dos vídeos.