Compostela, 29 de outubro do 2018 – A Carreira Pedestre de Compostela que organiza El Correo Gallego foi un ano máis unha festa e sobre todo para Alejandro Fernández que tras quedar as portas da vitoria en catro ocasións por fin subiu ao caixón máis alto.
O ourensán Alejandro Fernández gañou a 41 edición da Carreira Pedestre Popular de Santiago cun tempo na meta da praza do Obradoiro de 37 minutos e 29 segundos e impoñéndose a Manuel Furtado e Iván Roade. Fernández foi segundo ata en catro ocasiones nesta proba, pero nunca fora vencedor. En categoría feminina venceu a venezolana Joselyn Brea, que xa fora a mellor nas tres edicións anteriores, e que con este triunfo convértese na única muller na historia da carreira santiaguesa con catro triunfos.
A carreira foi un pouco estraña xa que os dous últimos campións da proba, o arzuán Lolo Penas, gañador en 2012, 2013, 2014 e 2015, e o portugués afincado en Sigüeiro Nuno Costa, que gañou en 2016 e 2017, retiráronse da proba á altura do campus universitario. A carreira definiuse na famosa costa de Vite onde se formou o grupo de cabeza, no que se atopaban os tres primeiros da clasificación. O ataque final deuno Fernández no casco monumental a menos dun quilómetro da chegada, concretamente na rúa do Preguntoiro, cun impresionante cambio de ritmo que lle permitiu chegar a meta en solitario e sacarse así a pequena espiña cravada que tiña coa carreira compostelá despois de ser segundo catro veces.
Na categoría de mulleres, revalidou título a venezolana afincada en Pontevedra Joselyn Brea, que logrou o seu cuarto triunfo consecutivo na carreira que organiza o Grupo Correo Galego desde que en 1978 decidise creala para conmemorar o centenario do rotativo. Sen empbargo, nesta ocasión non o fixo coa solvencia doutras veces xa que unha combativa Ester Navarrete púxollo moi difícil e chegou a só tres segundos da gañadora. O podio feminino completouno Alice Finot.
O público acompañou e animou aos atletas durante todo o percorrido nunha xornada fría, con temperaturas roldando sempre os dez graos, aínda que a choiva respectou a carreira e mesmo luciu o sol.
HOMBRES | ||
1 | Alejandro Fernández Rivera | 37:29:00 |
2 | Manuel Hurtado Sanjurjo | 37:36:00 |
3 | Iván Roade Lago | 37:42:00 |
4 | Paulo Barbosa | 37:56:00 |
5 | David Santos Domínguez | 38:03:00 |
6 | Esteban Iglesia Vila | 38:11:00 |
7 | Alejo Ares Prada | 38:12:00 |
8 | Rubén Díaz Díaz | 38:21:00 |
MUJERES | ||
1 | Joselyn Daniely Brea Abreu | 42:34:00 |
2 | Ester Navarrete Santana | 42:37:00 |
3 | Alice Finot | 43:05:00 |
4 | Clarisse Maria Pinho Cruz | 43:57:00 |
5 | María Jesús Gestido Rodríguez | 44:47:00 |
6 | Sandra Mosquera Losada | 45:03:00 |
7 | Rocío Alvite Ferreiro | 45:29:00 |
8 | Paula González Blanco | 45:57:00 |