A Baña, 26 de setembro do 2019 – Tal e como informa o xornal Adiante Galicia o goberno socialista da Baña non conseguiu aprobar os soldos polos votos en contra do Partido Popular e Compromiso x Galicia.
A renuncia do concelleiro Popular Manuel Tourís parecía abrir unha porta para alcalde José Antonio Pereira. Ao situar a renuncia ao comezo da sesión (na mesma orde que se fai cando hai tomas de posesión) permitía que, si Compromiso mantiña a abstención, decidira o voto de calidade do alcalde.
Esta argucia non serviu de nada xa que Compromiso decidiu cambiar o voto e pasar da abstención ó voto en contra. O portavoz, Cesar Ramos, anunciou que mentres non se incorpore o novo concelleiro popular manterán o voto contrario.
En negro contra a violencia
O paradoxo é que Compromiso e Psoe parecen entenderse cando se trata de tomar decisións de outra índole. Pasou nos anteriores plenos e sucedeu neste coa moción de CxG que solicitaba a incorporación do concello a campaña Concellos en Negro contra a Violencia. Unha demanda antiga xa que se pedira no 2017 co goberno do PP, en aquel momento foi rexeitada e agora aprobouse.