Compostela, 19 de marzo do 2020 – A Unidade Militar de Emerxencias ( UME) traballou durante o día de onte desinfectando distintos lugares e edificios de Santiago.
Tras as correspondentes reunións mantidas coas subdelegadas do Goberno na Coruña, Pilar López-Rioboo, e de Pontevedra, Maica Larriba; nos seus respectivos Centros de Coordinación Operativa, a UME determinou os lugares de actuación, de acordo cos alcaldes.
En Santiago o operativo iniciouse a partir das 10 horas, comezando pola estación de autobuses, para logo acometer os traballos de desinfección en estación do tren, dársena Xoán XXIII, Hospital Universitario, Hospital Provincial, Centro de Acollida de Peregrinos do Monte do Gozo, Cociña Económica, así como na contorna de determinados establecementos de alimentación, ademais da comisaría de Policía Nacional e Correos, entre outros lugares.