Ames, 22 de setembro do 2017 – O Grupo Municipal Iniciativa Cidadá-Ames Novo, trasladou esta semana ao goberno unha proposta para que se habilite en dependencias municipais un espazo para asociacións de Ames.
A idea é que as asociacións de Ames que o precisen, por falta de medios ou outras circunstancias que así o xustifiquen, teñan á súa disposición cousas tan básicas como un enderezo que poidan presentar como razón social ou mesmo un buzón no que recibir a correspondencia.
Dende Ames Novo explican que favorecer que as asociacións de ames formen un tecido forte é un dos piares cos que o goberno debe manter unha relación constante e fluída para coñecer e responder ás demandas da cidadanía. Con esta motivación solicitan ao goberno que impulse o asentamento das mesmas con pequenos xestos como o que agora se solicita pero que pode ter unha ampla repercusión e beneficios para o conxunto da cidadanía.
Según Ames Novo a demande foilles trasladada a pasada semana da man dunha asociación pro-lactancia e crianza con apego que xa leva varios anos desenvolvendo o seu magnífico labor no concello , Teta e Coliño, e que según Ames Novo debe facerse extensible ao conxunto de asociacións, unha cuestión que xa se tiña demandado en outras ocasións.
