Ames, 18 de abril do 2018 – A Plataforma feminista galega en Ames organiza este xoves un cineforum sobre feminismo coa presenza da veciña e escritora Filomena Fraga.
A Plataforma ven organizando nos últimos meses debates nos que participaron mulleres como María Xosé Agra, Carme Adán ou Concha Rusia. Seguindo con esa oferta de debate en torno ao feminismo mañá xoves organiza un cineforum coa proxección da película Señora de, premiada no seu día no Festival de Cine de Valladolid. Na cinta diferentes mulleres narran a súa experiencia nuns anos no que a sociedade era aínda moito máis patriarcal que hoxe en dia e non podían facer practicamente nada sen o permiso do home. Unha das protagonistas e a veciña de Ames Filomena Fraga que participará no encontro.
A proxección e debate terá lugar este xoves 19, no Pazo da Peregrina de Bertamiráns, as sete e media da tarde con entrada libre ata completar aforo.