O proxecto de mellora para esta estrada autonómica sométese estes días a exposición pública e conta cun investimento previsto de máis de catro millóns de euros.
Reforzar a seguridade viaria e engadir un carril de adiantamento é o obxectivo do proxecto que se somete estes días a información pública. A Xunta de Galicia conta con poder rematar en outono as melloras na AC-406 entre os puntos quilométricos 18+477 e 21+925.
Esta estrada autonómica une os concellos da Baña cos de Val do Dubra e o polígono industrial de Santa Comba. O proxecto contempla a rehabilitación do firme, a adecuación do sistema de drenaxe ao novo trazado ou a renovación de sinalización
As obras sumaranse á 1ª fase de acondicionamento executada entre o parque empresarial de Santa Comba e Abuín, cun investimento autonómico de 3,2M. As persoas interesadas poderán presentar alegacións por un prazo de 30 días hábiles, a contar a partir deste próximo luns, 14 de abril
Con este procedemento tamén se somete a información pública a relación individual de bens, dereitos e propietarios afectados pola realización da intervención. Para levar a cabo esta obra será necesaria a expropiación dun total de 107 predios.
A Xunta ten como obxectivo poder aprobar definitivamente o proxecto no outono, para a continuación acometer a redacción do proxecto construtivo. O prazo de execución, a partir da adxudicación é de 1 ano. Ademais do firme, o drenaxe e o novo carril tamén se renovará a sinalización o balizamento e as defensas-
1ª fase
Estas intervencións sumaranse á 1ª fase de acondicionamento executada nos anos 2018 e 2019 no treito que vai de Portomouro a Santa Comba, entre o parque empresarial de Santa Comba e Abuín. Estas actuacións, cun investimento autonómico de máis de 3,2M de €, centráronse na execución dun novo trazado alternativo para evitar o paso polo núcleo de Salgueiroas.
As obras conseguiron o reforzo da seguridade viaria nesta contorna, dado que o trazado anterior, encaixada entre edificacións neste núcleo, tiña varias curvas de radio moi reducido e interseccións con escasa visibilidade.
