Bisbarra, 26 de xullo do 2022 – A pasada semana a Conselleira de Infraestruturas, Ethel Vázquez, anunciou a adxudicación da redacción do proxecto de mellora da estrada de Santa Comba entre Paramos e Faílde.
A Conselleira estivo acompañada polo Delegado da Xunta, Gonzalo Trenor, nunha reuniión coa alcaldesa de Santa Comba, María Josefa Pose, e os alcaldes de Val do Dubra, José Manuel Varela, e A Baña, Andrés García. O obxectivo é mellorar o trazado sinuoso deste tramo da AC-406, favorecendo a condución na contorna entre Santa Comba e Santiago de Compostela
O contrato, adxudicado por máis de 18.000 euros, definirá as actuacións necesarias neste treito de 3,7 km para reforzar a seguridade viaria e favorecer a mobilidade na zona. A Xunta dará continuidade ao treito xa en servizo na estrada AC-406, entre Abuín e o parque empresarial de Santa Comba, que supuxo un investimento autonómico de 3,21 M€.
