займ срочно

Concello de Santiago e Xunta aparcan os problemas do Clínico

0

Compostela, 31 de xaneiro do 2024 – A reunión entre a Xunta de Galicia e o concello de Santiago condena a solución dos problemas de aparcamento no Clínico ata despois das eleccións.

A proposta presentada polo concello de Santiago e na que se daba unha solución global non só para o Clínico se non para toda a contorna foi rexeitada pola Xunta. Ao mesmo tempo o goberno autonómico incluíu na negociación o saneamento en zonas do rural de Compostela, algo xa comprometido e que non ten nada que ver.

O concello de Santiago segue apostando pola parcela do CIMUS para un aparcadoiro, xa sexa provisional o definitivo. Aposta polo transporte colectivo indicándolle á Xunta os cambios e melloras do novo contrato e pedindo datos sobre os traballadores do hospital para reforzar esas liñas. Ao mesmo tempo adaptará, nas próximas semanas, zonas ora na contorna do Clínico.

A Xunta pola súa banda decidiu cambiar o tapete de xogo. Si o concello cre que a parcela do cimus serve para un parking que o faga (declaración literal na rolda de prensa). Non está disposta a poñer transporte aos traballadores, que ocupan o 80% das prazas a primeira hora. Quere centrarse no terreo do Clínico, xa moi saturado, e construír un parking na parcela do heliporto para o que pide ao concello 3,5 millóns de euros de aportación. A cambio acometería unha serie de obras de saneamento no rural que antes da reunión xa estaban comprometidas.

O concello sae decepcionado e considera que este cambio de plantexamento a estas alturas “non é serio”. Estudará a proposta e dará unha resposta pero critica duramente a falta de acción da Xunta fronte aos pasos dados desde Raxoi.

O certo é que este xoves comeza a campaña electoral, o 18 de febreiro serán as eleccións e como mínimo ata o mes de marzo será difícil que se celebre unha nova reunión. A única esperanza é que o goberno que saía dos comicios, sexa o que sexa, queira buscar solucións no canto de dar largas.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies