Compostela, 16 de decembro do 2021 – O Centro Sociocultural do Ensanche de Compostela acolle este sábado 18 unha xornada solidaria de xogos de mesa.
Organizada por Astora Comics y Juegos conta coa colaboración de Troquel Games, Libros do Castro, Seis D6 e Tescondi. Orientada a todas as idades, a única condición para participar é dar un xogo, cómic, xoguete ou libro que se doará á Coordinadora do Barrio de Vite para a súa campaña do Nadal.
A xornada dividirase en dúas quendas de 11 a 13:30 e de 17:15 a 20:30. Á cita acudirán tamén as creadoras de Ultreia, un novo xogo de cartas en galego. Outro dos participantes será Troquel Games, con sede en Teo e que están especializados na edición, fabricación e distribución de xogos de mesa.
Os participantes poderán probar os xogos e aprender a mecánica dos que non coñezan e, o máis importante, facer unha laboura solidaria.
