Compostela, 23 de abril do 2019 – A Cámara de Comercio convoca unha xornada de traballo, o 30 de abril e en colaboración coa Consellería de Economía, Emprego e Industria e o Instituto de Eficiencia Enerxética de Galicia, sobre as axudas ás fontes de enerxía renovables.
Na xornada informarase polo miúdo das distintas liñas de axuda do INEGA ás fontes de enerxía renovables. A Cámara orienta este acto aos seus socios, empresas, autónomos e interesados en xeral. Será impartido polo Xefe da Área de Enerxías Renovables do INEGA, Joaquín López Pérez, que aclarará as distintas dúbidas que se poden chegar a plantexar, como quen son os beneficiarios, as tipoloxías de enerxías renovables subvencionadas, os criterios técnicos de valoración dos proxectos e a documentación necesaria para realizar a solicitude.
O INEGA abriu ata o próximo 31 de maio o prazo de presentación de solicitudes do programa para impulsar as enerxías renovables e a eficiencia enerxética co que se prevé movilizar 6 millones de euros entre inversións públicas e privadas. Esta iniciativa, cun orzamento de 1,72 millóns de euros, prevé un aforro global de preto de 600.000€ ao ano, evitándose a emisión de 2.150 toneladas de CO2 anuais.
Nesta convocatoria, con subvencións de ata 300.000 euros por empresa, contemplase unha maior intensidade nos apoios ás pequenas empresas, que poderan obter ata o 55% da inversión subvencionable.
Todos aqueles interesados en asistir a xornada, con prazas limitadas ao aforo da sala, deberán formalizar a súa inscrición na seguinte ligazón: http://www.camaracompostela.com/index.asp?ind=1C0A0A0&p=210#.XLRNegzYdV
PROGRAMA
- 09.45 h: Recepción de asistentes
- 10.00 h: Presentación da xornada. Representante da Cámara de Comercio.
- 10.05 h: Descrición das distintas líñas de axuda do INEGA: beneficiarios, tipoloxías de
enerxías renovables subvencionadas, cuantías de axudas, criterios exigidos, criterios técnicos de valoración dos proxectos e documentación necesaria para realizar a solicitude.
- 11.00 h: Turno de preguntas.
- 11.15 h: Café Networking
LUGAR DE REALIZACIÓN: sede da Cámara de Comercio de Santiago ( Rúa San Pedro de Mezonzo, 44 baixo. 15701 Santiago de Compostela).
