Vedra, 6/04/2026 – Aínda que as actividades centrais da XLIV Exaltación Do Viño Da Ulla prolónganse varios días os vindeiros 11 e 12 San Miguel de Sarandón e a Ulla acollerán os actos principais.
A finalidade da festa é promocionar, mostrar e degustar os Viños D.O. Rías Baixas da Ribeira do Ulla, organizar un concurso-cata para poñer en valor os mellores viños da tempada, mellorar a calidade e a comercialización dos viños desta subzona e ofrecer un programa complementario de actividades para dinamizar o evento.
Xornadas técnicas
Precisamente unha de esas actividades iniciarase o día 5, este mércores. Unhas xornadas técnicas sobre a cultura do viño que durarán ata o venres. Un proxecto que xorde baixo a idea de crear espazos dedicados á formación da viticultura da zona, coa finalidade de mellorar e estimular producións de calidade, así como divulgar novos coñecementos entre os consumidores/as, mergullándoos na cultura do viño.
O mesmo mércores a partir das oito da tarde terá lugar a conferencia “Oportunidades de aplicación da dixitalización e automatización na viticultura e adegas da Ribeira do Ulla”. Intervirá Miguel Tubío Fernández (Director Técnico do Grupo Martín Códax)
Ao día seguinte, o xoves 9 de abril, ás cinco da tarde farase unha saída para visitar a Adega Pazo de Rubianes. Un proxecto vitivinícola e enoturístico (Adega “Boutique”).
Xa o venres 10, de novo ás oito da tarde, organízase unha cata sorpresa baixo o nome de “Harmonía: viño e tapas”. Unha cata que se maridarán viños e conservas de pescados e mariscos de ANFACO-CYTMA e contará coa intervención de Nacho Costoya (Sumiller).
Para inscribirse en estas xornadas o podedes facer no seguinte enlace https://docs.google.com/forms/d/e/1FAIpQLSfh3_cekjJfk886WkIgy1Zq6Wug2PAshKbHKc5y0WTmRh8LZg/viewform
* Información no teléfono 981 814 691 – 619 309 958 (Prazas limitadas)
Catas comentadas
O sábado 11 de abril, xa na fin de semana da festa, terán lugar unhas catas comentadas dirixidas polas adegas participantes. Intervirá Charly Torres (Docente do CIFP Compostela, da especialidade de servizos á restauración). Trátase dunha actividade gratuíta con prazas limitadas. Deixamos enlaces para as inscricións.
cata quenda 18:00 h. inscricións aquí
cata quenda 19:00 h. inscricións aquí
cata quenda 20:15 h. inscricións aquí
IV Ruta Moteira Polos Viñedos da Ribeira do Ulla
Trátase dunha das actividades clásicas pese a levar só catro anos. Desde a primeira edición converteuse nunha das citas imprescindibles. Celébrase o sábado 11 de abril, con prazas limitadas e os adultos teñen que aportar un donativo de 10 euros.
As inscricións no seguinte enlace https://www.concellodevedra.es/ficheiros/INSCRICION%20RUTA%20MOTEIRA%202026.pdf
Ruta de coches antigos
A outra ruta tamén habitual e tamén na cuarta edición é a de Coches Antigos Polos Viñedos Da Ribeira Do Ulla, que terá lugar o domingo día 12. Tamén con prazas limitadas e un donativo para maiores de 10 anos de 40 €. As inscricións no seguinte enlace https://www.concellodevedra.es/ficheiros/INSCRICION%20RUTA%20DE%20COCHES%202026.pdf
E moito máis
Por suposto a festa terá moitas máis actividades que se irán desvelando esta semana. Tamén terá lugar a mostra dos concellos da ribeira do Ulla (artesanía alimentaria e turismo) que estará aberta sábado e domingo.
Este ano as adegas participantes serán
Pazo Arretén, Gómez e Rial, Chouzal, Mar De Envero, Lixeles, Barallobre, Adega Valdés, Casa Do Sol, María Manuela, Castro Brey, Marecaste, Lagar De Bendaña e Adega Chaos.
