O ministerio informa ás plataformas para que os retiren dos disintos portais. Estes pisos solicitaran o número de rexistro pero non foi concedido por distintas causas.
O Ministerio de Vivienda y Agenda Urbana enviou ás plataformas de aluguer de pisos turísticos unha relación de 2.640 pisos que, en Galicia, non poden dedicarse a esa actividade e teñen que ser retirados dos sitios webs.
Trátase de aloxamentos que solicitaron o número de rexistro obrigatorio, pero non o obtiveron porque non compren os requisitos legais e constan como revogados. Desde agosto, rexistradores, Ministerio e plataformas comparten datos a través do Portelo Único Dixital co fin de acabar coa fraude nos aloxamentos temporais.
Desde o 1 de xaneiro, o rexistro recibiu en todo o territorio un total de 336.497 solicitudes, das cales o 78,75% corresponden a alugueres turísticos. O O Ministerio de Vivenda e Axenda Urbana notificou un total de 53.876 pisos turísticos ilegais en toda España, e 2.640 en Galicia.
España foi o primeiro país de Europa en implementar o Rexistro único de aloxamentos temporais, en colaboración co Colexio de Rexistradores, para acabar coa fraude nos alugueres turísticos. A través do Portelo Único Dixital do Ministerio de Vivenda, os datos do rexistro crúzanse cos das plataformas dixitais, que están a colaborar para identificar os anuncios sen código.
Se un código é revogado significa que o Colexio de Rexistradores recibiu a solicitude, que dita solicitude contiña datos incompletos ou non acordes á normativa vixente do tipo de actividade que se pretendía desenvolver e non foi emendada nun prazo oportuno.
Na provincia da Coruña foron revogados 992 pisos que agora terán que ser retirados das plataformas online.
