Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Ames
  • Xeral

Vivenda, comercio local ou infraestruturas centran o debate orzamentario en Ames

O BNG de Ames negocia co goberno en minoría do Psoe os orzamentos 2026 con 15 propostas como base do acordo.

bng ames negociacion orzamentos 6 febreiro 2026

O goberno socialista de Ames busca un acordo co BNG que lle permita pechar uns orzamentos para este ano. As contas, de saír adiante, lle permitirían ao goberno municipal alcanzar as seguintes eleccións na primavera do 2027.

O Grupo municipal do BNG de Ames formula quince medidas para avanzar cara un modelo de concello máis xusto, sostible e centrado na vida cotiá da veciñanza. “Son propostas plenamente asumibles dende o ámbito municipal e orientadas a dar resposta ás necesidades reais: como o dereito ao acceso á vivenda, a envellecer dignamente, á mellora das infraestruturas deportivas, á protección ambiental e ó equilibrio ente o medio urbano e rural”, explica a voceira nacionalista Escarlata Pampín.

O primeiro encontro tivo lugar esta semana co obxectivo de establecer un marco inicial de comunicación, intercambiar impresións e avaliar puntos de entendemento sobre cuestións de interese xeral.

Nesta xuntanza o BNG de Ames expresou a súa vontade  de chegar a acordos para acadar uns orzamentos beneficiosos para a veciñanza amesá. “Esta negociación enmárcase no propósito do BNG de seguir levando a cabo  unha política útil e construtiva, centrada nas demandas e necesidades das amesás e dos amesáns” resalta a voceira, Escarlata Pampín. “Na reunión, dende o BNG establecemos as premisas previas para comezar a negociación, con propostas en positivo e coa vontade de dialogar e chegar a acordos se son bos para Ames”, engade Pampín.

En materia de vivenda,o BNG de Ames resalta a modificación da ordenanza do IBI, a aprobación da ordenanza reguladora das vivendas de uso turístico e reservar unha porcentaxe para a construción de vivenda pública en  Bertamiráns.

Para a terceira idade destacan un centro municipal de envellecemento  activo,  un servizo municipal de acompañamento, e un plan de municipal contra a soidade non desexada.

No referente ao impulso do comercio local salientan duplicar a contía destinada a Bonos Consuma e  axudas ao comercio do Milladoiro creando unha partida orzamentaria especifica.

No tema das infraestruturas realzan un proxecto técnico de Pavillón Deportivo Municipal , dotar de espazos de encontro para a mocidade e  regularizar as instalacións municipais como o ximnasio municipal da Telleira.

En materia  medioambiental  un plan de  de xestión compostaxe comunitario, a recuperación ambiental do río Sar e a conversión do tramo  ferroviario abandonado entre Fraiz e A Moniña en senda verde.

Os nacionalistas recollen tamén varias peticións das asociacións rurais para o adecuada redistribución dos fondos das subvencións culturais e reforzar con fondos propios actuacións municipais como servizos básicos, acondicionamento de espazos comunitarios e contribuír á fixación de poboación no rural.

 Escarlata Pampín destaca que “sendo o EDIL o programa de investimentos máis importante que vai desenvolver Ames nos vindeiros anos, consideramos que se debe priorizar a vertebración do municipio mediante a implantación dun sistema de transporte público e unha senda ciclable entre Bertamiráns e Milladoiro. Tamén reclamamos o transporte municipal que conecte os núcleos rurais con Bertamiráns e Milladoiro”.

Post navigation

Previous: O Meco abrirá un ano máis o Entroido de Compostela
Next: EULEN renuncia á xestión dos CSC de Compostela

Máis novas

compostela arco de mazarelos_good 7 novembro 2026
3 minutes read
  • Compostela

Unha nova vida para o Arco de Mazarelos

ateneo desafios intelixencia artificical 7 novembro 20226
2 minutes read
  • Xeral

Os desafíos da Intelixencia Artificial nos Luns do Ateneo

mancomunidade ordes saida patrimonio 5 novembro 2026
2 minutes read
  • Xeral

Nova saída para coñecer a Mancomunidade de Ordes

bng maes parquing milladoiro 6 novembro 2026
3 minutes read
  • Xeral

As incógnitas do aparcadoiro do Milladoiro

deputacion via verde remata en marzo 6 de novembro 2026 (1)
4 minutes read
  • Xeral

A Vía Verde podería estar rematada en marzo

KD&L
3 minutes read
  • Axenda

Kitty, Daisy e Lewis abren o Outono Códax Festival

Sesión constitutiva IX Lexislatura
3 minutes read
  • Xeral

Os colexios seguen pedindo reformas

Teo: Mara Cajaraville foi afeccionada aos cabalos dende que era moi pequena. Fotos familiares
5 minutes read
  • Xeral

San Martiño 2026

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (834) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (738) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.