Compostela, 25 de xullo do 2018 – Desde que hai cinco anos a noite dos fogos truncouse polo accidente do Alvia 04155 as reivindicacións das vítimas de xustiza e transparencia é unha cita máis dos actos do 24.
A Plataforma de vítimas do Alvia volveu ao Obradoiro para reivindicar xustiza e transparencia. Victor Taibo foi o encargado de ler en nome delas o comunicado no que reclaman que se saiba a verdade, toda, e que se asuman as responsabilidades
Tras o comunicado falábamos con Victor Taibo sobre a necesidade de que se faga xustiza pero tamén de cambiar actitudes e aprender dos erros, todo o conseguido saíu adiante polo esforzo das vítimas
A Comisión de investigación está servindo para poñer enriba da mesa cousas que non se coñecían pero tamén para mostrar que aínda hai sectores que non queren que se saiba o que pasou
Hoxe membros da Plataforma visitarán o xardín do recordo no Pazo do Faramello onde estanse a plantar árbores en memoria dos falecidos.
