займ срочно

Carbia deféndese reuniuse coa veciñanza sobre o estado de tramitación dos parques eólicos

0

Vila de Cruces, 15 de xuño do 2022 – A asociación Carbia Deféndese ven de manter unha nova xuuntanza veciñal na que se tratou o estado actual dos 3 parques que afectan á parroquia.

A reunión serviu para definir a alegación, que Carbia Deféndese presentará, contra a liña de evacuación dos parques eólicos Cunca e Rodeira.

Desde o colectivo explican que continúan reclamando toda a información de todos os proxectos no rexistro municipal “Dita información foi solicitada dende o mes de  novembro a modo individual e dende marzo en nome da asociación sen obter aínda resposta a ditas peticións”.

Carbia Deféndese ínsta a unha nova reunión o alcalde de Vila de Cruces, Luís Celso Taboada, con fin de que informe á veciñanza “tal como se acordara na praza do concello o 30 de Xullo do 2021, e que esta reunión tería lugar en Carbia despois do 15 de Agosto e que aínda non se levou a cabo”.

A asociación engade que seguirán mantendo unha actitude de colaboración co equipo de goberno pero “é consciente o mesmo tempo, de que non se están a levar a cabo ditos acordos e polo tanto non sabe ata que punto poderá manter esta actitude, despois de case un ano dende a última reunión sen obter resposta”.

Na reunión mantida os veciños decidiron ademais invitar as 4 forzas políticas do concello (PP, PSOE, BNG e Xuntos polo noso concello) a manter reunións por separado diante da veciñanza de Carbia. Con estas reunións, o que se pretende é facer unha fronte común contra este modelo de produción de enerxía eólica “que arremete contra a produción agraria, forestal e merma de forma evidente a saúde das persoas e dos ecosistemas que nutren de forma significativa os acuíferos da parroquia de Carbia”.

Share.

Comments are closed.