Vila de Cruces, 8 de setembro do 2021 – O BNG de Vila de Cruces reclama unha actuación urxente para o camiño da Costiña en Merza.
Os nacionalistas piden que se realice unha tramitación adecuada que garanta a mellora do camiño de San Paio-A Costiña. Os nacionalistas lembran que o ancheamento de esta zona hai meses que é reclamado polos veciños.
O voceiro do BNG, Alex Fiuza, pide ao goberno municipal que se faga canto antes un proxecto de obra cons informes de valoración técnica necesarios. Hai que valorar o custo da adquisición de terreos e facer os muros de contención nas mesmas circunstancias.
O camiño da Costiñs dá servizo a 20 vivendas, todas elas habitadas e dúas delas en actual proceso de rehabilitación. Según Fiuza o alcalde “vende fume, pois aparenta querer poñer solución abrindo o camiño polo extremo como xa fixo a comezos de ano, mais esta intervención necesita dun proxecto de obra e poñer dacordo a toda a veciñanza afectada”.
O BNG engade que o rexedor, Luís taboada, “a día de hoxe aínda non falou con tódolos propietarios e no Concello non existe proxecto nin expediente de obra”.
