Vedra, 12 de xullo do 2017 – Vedra acolle a vindeira fin de semana unhas xornadas sobre o Camiño Xacobeo Miñoto – Ribeiro que inclúen unha andaina ata Compostela.
O Camiño Xacobeo Miñoto – Ribeiro viña desde o norte de Portugal, partindo de Braga, ata Compostela. En el hai documentadas ata 8 igrexas dedicadas a Santiago, setes hospitais de peregrinos e 6 localizacións de augas termais. A intención da asociación que o promove e que sexa oficial de cara ao Xacobeo 2020.
O concello de Vedra organiza o venres 14 unha xornada a partir das oito e media da tarde na que se desenvolverá unha mesa redonda baixo o título ; O Camiño Real – Camiño Xacobeo Miñoto – Ribeiro ao seu paso polo concello de Vedra. No encontro participarán Castor Pérez Casal, licenciado en Xeografía e Historia, profesor do I.E.S: de Celanova e autor do libro ” O Camiño Miñoto – Ribeiro”e Celia Alegre Maceira, licenciada en Xeografía e Historia, autora do libro ” Dar e concordar na Ulla do século XVIII”, colaboradora en diferentes publicacións relacionadas co Val do Ulla e concello de Vedra, ámbolos dous son membros da Comisión de Investigación Histórica do Camiño Miñoto -Ribeiro que contarán coa experiencia dos participantes do Campo de Traballo de Vedra este ano.
A xornada do venres se complementa o sábado 15 cunha andaina que sairá as 9 da mañá da Ponte de Sarandón, punto de entrada do camiño Xacobeo Miñoto – Ribeiro en Vedra, ata Santiago de Compostela
Para participar na andaina é preciso realizar inscrición no 981 814 691 ou mandar un correo a cultura@concellodevedra.com .
