Bisbarra, 1 de febreiro do 2024 – O concello de Vedra ven de presentar unha das citas máis clásicas da bisbarra e que anticipan xa o final do inverno, as Xornadas Arredor da Camelia.
O Salón de Plenos do concello acolleu esta presentación que inclúe distintas actividades deportivas culturais e de ocio, ademais da tradicional Exposición da Camelia como cada ano.
Unha das novidades máis importantes en este programa de actos inclúe por primeira vez un desfile de moda que terá lugar no serán do 25 de febreiro.
A XVIII Xornadas Arredor da Camelia contemplan tamén a XIII Ruta Ciclo turística da Camelia polo Val do Ulla, esta mesma fin de semana, coa colaboración do CC Ribadoulla e a Carreira por Montaña “A Camelia” do CDM Vértice o día 11.
Dentro das iniciativas formativas hai que destacar o curso, e tamén ruta fotográfica, “As Camelias a través da lente. Paseo polos xardíns de camelias de Vedra”. Por outra banda este ano terá lugar unha charla sobre curiosidades da camelia.
En canto ás actividades culturais están previstas as Visitas teatralizadas ao pazo, un obradoiro creativo, e unha excursión. Ao mesmo tempo a música será protagonista coa Escola de Música Santa Cruz de Ribadulla Concello de Vedra xunto coa Agrupación Instrumental e co Coro de Secundaria do CPI Pluriíngüe de Vedra.
A xa mencionada Mostra de Flor terá lugar tamén o 25 de febreiro e para participar hai que solicitalo no teléfono 981814691 ou no enderezo electrónico cultura@concellodevedra.gal .
Exposición da Camelia 2022
