Bisbarra, 15 de xullo do 2022 – O Delegado da Xunta na provincia da Coruña, Gonzalo Trenor, visitou algunhas das inversións realizadas polo goberno autonómico no concello de Vedra.
Trenor comprobou as actuacións levadas a cabo na pista polideportiva e no velódromo. O Delegado estivo acompañado polo alcalde de Vedra, Carlos Martínez Carrillo.
A achega da Xunta ascendeu, en estas dúas instalacións, a máis de 27.000 euros, que se destinaron á instalación da iluminación exterior. O orzamento global da Orde de infraestruturas ascende este ano a 3,5 millóns de euros e na comarca de Santiago concedéronse 9 axudas por máis de 316.000 euros
Segundo explicou o representante do Goberno autonómico Vedra volverá a contar cunha axuda, este ano, desta orde de máis de 27.000 euros. Este investimento destinarase á reforma da escola unitaria de San Fins de Sales que mobilizará, en colaboración co concello, máis de 39.000 euros.
Apoio aos concellos con menor poboación
A Orde de infraestruturas de uso público destínase a concellos de menos de 30.000 habitantes para mellorar as infraestruturas, dotacións, instalacións e equipamentos vinculados á prestación de servizos municipais. Neste ano, o orzamento previsto para as actuacións ascende a 3,5 millóns de euros.
Na área de Santiago concedéronse 9 axudas que beneficiarán aos concellos de Arzúa con Melide, Rois con Dodro, Boimorto con Vilasantar, Boimorto, Ordes, Oroso, Vedra, Frades e Trazo. A Xunta destinará a estas 9 actuacións de melloras das súas infraestruturas máis de 316.000 euros que mobilizarán máis de 538.000 euros.
