Vedra, 25 de agosto do 2020 – O concello de Vedra rematou a campaña de apoio ao comercio local Hai Vedra co sorteo dos premios entre todos os participantes.
O Salón de Plenos acollía o pasado venres un acto no que Hai Vedra distribuía os 180 vales de compra de distintos importes. A entrega dos ás persoas gañadoras terá lugar na Casa do Antigo Xulgado de Vedra (fronte á farmacia de Vedra) os días e horas seguintes:
Venres 28 de agosto 2020 de 10:00 a 14:00 h. e de 18:00 a 20:00 h.; os 10 vales de compra de 100 €, os 20 vales de compra de 50 € e os 50 vales de compra de 30 €.
Luns 31 de agosto de 2020 de 10:00 a 14:00 h. e de 18:00 a 20:00 h.; os 100 vales de compra de 20 €.
A lista de gañadores pode consultarse no seguinte enlace .
Estes vales de compra de Hai Vedra poderanse gastar ao longo dos meses de setembro e outubro de 2020 nas empresas/comercios do Concello.
O gasto pode realizarse en calquera negocio, servizo e sector, salvo en produtos de alimentación, dado que este sector viuse reforzado durante a crise sanitaria.
