Bisbarra, 31 de outubro do 2023 – Preocupación no concello de Vedra, e na contorna, polos roubos en instalacións municipais que en esta ocasión sufriu a Casa da Cultura da Cruxa.
Foi a finais de setembro, hai pouco máis dun mes, cando un roubo de cable de cobre deixaba sen luz ao velódromo de Vedra. Agora foron as portas e fiestras da instalación de San Xián.
O concello presentou xa a denuncia correspondente ante a Garda Civil. Tamén falouse coas autoridades para que se aumente a vixilancia. En esta ocasión os ladróns aproveitaron o mal tempo da pasada fin de semana para levar as portas e as fiestras pola noite.
Un roubo que deixa inservible para o uso a Casa da Cultura da Cruxa, ademais de xerar a comprensible inseguridade na veciñanza. Desde o concello de Vedra reiteran a petición de que se denuncie calquera feito delituoso que se produza xa que só coñecendo os datos de todo o que sucede é posible avanzar nas investigacións.
