Bisbarra, 30 de outubro do 2023 – O concello de Vedra bate un récord na participación das actividades municipais achegándose para este curso ás 1.000 fichas.
Vedra ofrece un abano de actividades desde os distintos departamentos que chegan a todas as idades e públicos. O crecemento na participación foi constante nos últimos anos e para o curso 2023 – 2024 chegará ás mil persoas inscritas.
Nas actividades culturais e formativas as actividades van desde clases de inglés, de pintura, ou de xadrez ata, mecanografía ou manualidades. En este apartado as fichas suman cerca de 200 persoas inscritas entre todas elas.
Nas actividades deportivas a oferta é do máis completa, pensada para a cativada, para a xuventude, as persoas adultas e mesmo para a terceira idade. Desde predeporte a pilates pasando por baloncesto, patinaxe ou aerobic, sendo máis de vinte as posibilidades. Todo isto sen contar a opción de facerse cun bono no ximnasio municipal, chegando ás 400 matrículas en total.
Ademais a este programa súmanse as actividades específicas para a terceira idade como memoria, ximnasia de maiores, traballo corporal, bailoterapia, hipopresivos, teatro, laborterapia ou corasl. Con preto de 220 persoas participantes.
Un éxito de participación para un concello rural de 5000 habitantes.
