Bisbarra, 17 de novembro do 2023 – O concello de Vedra está a desenvolver unha intensa programación co motivo do Día Internacional Contra a Violencia de Xénero, o 25N.
A través deste conxunto de actividades, que van desde talleres, mesas redondas, Vedra márcase como obxectivo sensibilizar á sociedade para erradicar a violencia de xénero.
A vindeira cita será o día 23 e consistirá nunha mesa debate sobre a violencia de xénero. A cita ás seis e media da tarde na biblioteca municipal. Falarase dos recursos e o enfoque nos tratamento da violencia de xénero no noso entorno.
Participarán a Asesora xurídica das vítimas dende o CIM; persoal técnico da Secretaría Xeral de Igualdade e forzas do Estado e autoridades que interveñen na atención e protección ás vítimas de violencia de xénero .
Paralelamente estase celebrando o II Concurso de Lemas Contra violencia de Xénero “fagamos da vida un bo trato”. O prazo para participar remata o vindeiro día 22 de novembro, cada participante deberá deixar nun sobre pechado co nome e apelidos, curso e centro ao que pertence idade e o lema proposto nas conserxerías dos Centros educativos ou nas Escolas Unitarias pertencentes ao CRA. Haberá tres premios para os mellores lemas.
Dende o 1 de novembro instalouse na Casa do Concello un Calendario Contador De Vítimas deste ano de xeito que se visibilize a realidade das mulleres vítimas da violencia de xénero e da nosa sociedade.
O día 25 de novembro terá lugar o acto institucional coa iluminación da fachada do oncello de cor violeta ás oito da tarde. Terá tamén lugar un partido de fútbol feminino contra a violencia de xénero baixo o lema “ Á violencia de xénero marcámoslle un gol – que as mulleres non sabemos facer qué? mesma paixón”. Xogarase no campo de fútbol de S. Mamede. .
A todas aquelas mulleres que desexen participar poden poñerse en contacto cos servizos sociais no teléfono 699041486 ou no enderezo electrónico carmen.sabio@concellodevedra.gal Ao finalizar o partido lerase o manifesto do 25N.
O 28 de novembro terá lugar un cinema forum baixo o nome “Nin un día máis con violencia”. As oito da tarde no Centro Social de Vedra proxectarase a curta “El orden de las cosas” seguida dunha charla debate relacionados coa temática destes actos.
Nesta actividade participarán MULLERES+ que relatarán a súa experiencia na gravación do Podcats “Moitas mulleres nunha soa Muller” e compartirán ás reflexión sobre a curta sobre o que están xa a traballar.
Con todas estas actividades o Concello de Vedra súmase ás campañas de erradicación da violencia de xénero que se celebran en todo o mundo con motivo do 25-N e anima á veciñanza a “romper co silencio” e a intervir contra esta secuela, á vez que lanza unha mensaxe de esperanza ás vítimas.
