Vedra, 10 de febreiro do 2021 – O concello de Vedra prepárase para non para pese a pandemia nunha das épocas do ano con máis actividade no concello.
A festa da Camelia, o Entroido do Ulla ou a Festa do Viño son citas pendentes de aquí a que entre a primavera. O concello de Vedra presenta unha serie de actividades baixo o lema “en corentena, Vedra non para” aludindo ao tempo que falta para que se cambie de estación. Toca coidarse
Vedra insiste en que toca coidarse é parar pero que camelia, viño e entroido teñen que estar presentes como todos os anos.
A programación cultural, indican desde o concello, manterá “a esencia destes tres grandes eventos que definen a nosa identidade, pero levarémola a cabo con moito coidado e mimo. Utilizando, máis que nunca, as redes sociais e medios en liña, evitando os eventos que impliquen aglomeracións e contacto”.
Programación
O vindeiro venres Vedra comeza esta etapa coa presentación do documental Os Xenerais da Ulla dirixido por Miguel Ares e Ángel Cordero. Ese mesmo día comeza o concurso de disfraces “disfrázate na casa” que terá aberta a participación ata o 21.
O sábado ábrese a escola municipal de Xenerais e Correos, unha iniciativa que comezaba hai un par de anos con moi boa acollida.
O día 19 estrease V12, un novo documental para coñecer Vedra que en este caso levará por título “de entroido e casas grandes” e no que se pasea pola parroquia de San Xián de Sales.
Precisamente co entroido de San Xián de Sales o día 20 e co de Trobe o 21 remata esta primeira parte de este “En corentena Vedra non para”.
Moi atentos ás redes sociais do concello para disfrutar de todo isto no Facebook , Instagram ou Youtube .
