Bisbarra, 14 de xuño do 2024 – O concello de Vedra ven de sumarse ao Fondo Galego de Cooperación e Solidariedade, entidade sen ánimo de lucro formada por múltiples concellos e tres Deputacións.
O principal obxectivo do Fondo Galego de Cooperación e Solidariedade é contribuír a redución da pobreza. O Fondo trata tamén de eliminar a desigualdade Norte Sur con proxectos de cooperación ao desenvolvemento con países empobrecidos. Un terceiro eixe do traballo consiste na sensibilización social en Galicia.
Desde o concello de Vedra explican que sumarse ao proxecto do Fondo Galego “é unha aposta do goberno local polas iniciativas solidarias, que non sempre están rifadas coa austeridade das complicacións económicas”.
Vedra engade que aínda que supoña pouco para as arcas locais, “é moito para todos os proxectos e actividades desenvolvidas dende para sensibilizar á cidadanía galega co fin último de mellorar a vida das persoas no lugares máis desfavorecidos”.
No limiar da presentación do Fondo Galego de Cooperación e Solidariedade exprésase ademais que se trata dun “espazo transpartidario e plural, libre de personalismos políticos, inspirado pola vontade de consenso e pola idea de que a solidariedade e a cooperación internacional deben ser áreas de colaboración e non de confrontación”.
