Bisbarra, 6 de outubro do 2023 – O Centro de Emprendemento da Estación, en Vedra, presenta ao longo de este mes tres propostas formativas sobre intelixencia emocional, orientación para emprender e primeiros auxilios.
Este último, o de primeiros auxilios, será o primeiro e terá lugar o vindeiro día 10 de outubro de catro e media a oito e media. Trataranse aspectos como o socorrismo, a autoprotección, avaliación inicial, soporte vital básico ou reanimación cardio pulmonar entre outros.
A segunda das xornadas en Vedra terá lugar o vindeiro día 16 e leva por nome orientación para emprender. Tratará as condutas que desenvolvemos cando afrontamos retos ou obxectivos. Autonomía e autoxestión, actitude e autoafirmación, a comunicación funcional ou a imaxe persoal como estratexia. Terá lugar de 10 a 13 horas e hai un máximo de 15 prazas.
O último dos cursos leva por nome intelixencia emocional en ambiente profesionais. A xornada mostrará como coñecer as propias emocións, xestionalas e ser de ese xeito máis resistentes á presión nos ambientes profesionais. En este caso será un curso de catro días, do 23 ao 26 e de dez e media da mañá a unha da tarde.
Para recibir máis información ou anotarse nos cursos que organiza o concello de Vedra, hai que chamar aos teléfonos 667905330 , 981512244 ou no correo electrónico aestacion@concellodevedra.gal .
