Bisbarra, 18 de novembro do 2022 – O concello de Vedra organiza un curso de comunicación para comerciantes no centro de emprendemento A Estación.
O curso terá lugar os días 22 e 24 de novembro de oito a dez da tarde. Esta impartido por Manel Pardo, con máis de trinta anos de experiencia en medios de comunicación.
A transición do mundo analóxico ao dixital será o punto de partida do curso. As necesidades de comunicación das pequenas empresas non variaron pero si o entorno no que traballan. De que xeito estes cambios inflúen no día a día será o xerme do curso.
O curso é de balde e para anotarse pódese chamar aos teléfonos 981512244 e 667905330 ou escribir un correo electrónico a aestacion@concellodevedra.gal
Nas dúas xornadas os participantes poderán entender mellor os cambios que se produciron, e se seguen producindo. Repasaran as distintas formas de comunicación cos seus clientes e as diferencias e similitudes entre as analóxicas e as dixitais.
Desde os medios tradicionais ata as canles dixitais como a mensaxería, as redes sociais ou as listas de difusión serán analizados no curso. A colaboración entre empresas será outra das partes que se verán ao longo das dúas xornadas.
O obxectivo final é que os participantes poidan decidir que tipo de comunicación é a máis axeitada ao seu negocio e como queren levala a cabo.