Vedra, 20 de maio do 2022 – Comisións Obreiras e a empresa Atendo pactaron este xoves no Consello Galego de Relacións Laborais cumprir co convenio e subir nun 6,5% o slario das traballadoras do Servizo de Axuda ao Fogar de Vedra.
A reunión coa empresa Atendo produciuse despois da denuncia presentada por CCOO. A empresa concesionaria do SAF de Vedra no cumpría o convenio asinado que estipula que todos os conceptos económicos serán actualizados nunha contía igual ao IPC do ano anterior, ese 6,5 %, os cales serán aboados desde o primeiro mes do ano.
Tras a mediación, o aumento farase efectivo xa na nómina e maio, mentres que na de xullo se pagarán os atrasos correspondentes aos primeiros meses do 2022.
Rexistro horario
Ademais do acordado sobre a revisión salarial, tamén se tratou o regulamento do rexistro horario a través de aplicacións para o teléfono móbil particular. Neste sentido, acordouse que o uso desta ferramenta nun teléfono particular será voluntaria. As traballadoras que non a queiran usar deberano poñer en coñecemento da empresa e no prazo dun mes estableceranse sistemas alternativos para o control da xornada.
O concello de Vedra é o que máis paga de toda Galicia o desprazamento, 0,25 céntimos por quilómetro. Tamén é o que atopou solución a unha demanda recorrente das traballadoras, que se conte dalgún xeito o desprazamento ata os domicilios. En distintos puntos de entrada ao concello situáronse uns postes con códigos qr que son lidos pola traballadora desde o teléfono cando se incorpora á xornada laboral.
