Bisbarra, 12 de abril do 2023 – O concello de Vedra ponse deberes e acometerá desde a primavera ao verán o asfaltado das pistas municipais en mal estado.
A mellora do pavimento das pistas vedresas irá con cargo ao Plan de Obras e Servicios (POS) da Deputación de A Coruña, 2021 e 2022, e o PIR da Xunta de Galicia.
A complexidade de conseguir as autorizacións dos distintos organismos administrativos fixo que estas reparacións dilatáranse no tempo máis do previsto. Para que as obras poidas ser licitadas é preciso contar cos permisos sectoriais de todas e cada unha das pistas (Medio Rural, Augas de Galicia, Patrimonio Cultural, Fomento, Adif, etc).
Desde o concello de Vedra engaden que outra das dificultades é a época do ano xa que a reparación das pistas non é convinte facela en inverno.
Na actualidade o PIR está adxudicado a empresa OVIGA, o POS 2022 a empresa Construcciones Caldevergazo S.L. e o POS 2021 comezará coa súa licitación este mesmo mes de abril.
En total asfaltaranse máis de 20 pistas municipais, situadas en dez das doce parroquias do concello. O investimento previsto alcanza os 350.000 euros para un total de 12 quilómetros.
