Bisbarra, 6 de marzo do 2025 – O 8M leva en Vedra o lema “En marzo… Vedra é muller”, una cita que para este concello é un dia ”no que as mulleres de todos os continentes, a miúdo separadas por fronteiras nacionais e diferenzas étnicas, lingüísticas, culturais, económicas e políticas, únense para gritar en prol da igualdade, a xustiza, a paz e o desenvolvemento”.
A programación de Vedra para este 8M parte da campaña de divulgación “Nós facemos historia, Mulleres visibles esquí e agora”. En ela falarase e 31 mulleres do de Vedra “as súas historias , proxectos e percorridos vitais diferentes para representar a diversidade de mulleres e poñer en valor o seu papel”.
O mesmo 8 do marzo, ás 11 e antes do acto institucional, plantarase unha camelia pola igualdade, coa correspondente placa , este ano na parroquia de Sta. Cruz de Ribadulla.
Ás 12 horas na Casa do Concello. Acto de recoñecemento Vedra é Muller este ano dedicado ás mulleres da banda de santa cruz , mulleres na música. O acto pechará coa lectura do manifesto.
Vedra organiza ademais unha andaina no Camiño da Igualdade o 16 de marzo. Sairá da Área Recreativa de Agronovo ás 9:30 horas e a chegada será aCarballeira de Sucira. A inscrición é gratuíta no 699 041 486.
Por outra banda o 22 de marzo ás 10 horas e diante do pavillón polideportivo celebrarase unha xincana para familias. Esta actividade “pretende ser un punto de encontro lúdico-formativo para as diferentes familias do concello , onde poder interactuar e relacionarse, tanto nais, fillas e fillos, pais, avoas, persoas titoras, avós, etc.” Trátase de xerar contornas igualitarias que axuden a construír un concello libre de desigualdades de xénero.
Outro dos obxectivos é promover un espazo de sensibilización interxeneracional, respecto á igualdade de xénero, dereitos, responsabilidades e oportunidades das mulleres, os homes, as nenas e os nenos. Todo isto a través de xogos por equipos familiares co obxectivo de conseguir o distintivo “familia igualitaria”.
Para esta xincana é preciso inscribirse antes do 17 de marzo ás 14 horas.
