Boqueixón, 23 de xullo do 2017 – O grupo político Veciñ@os de Boqueixón ven de reclamar o cese do ex alcalde Jesús Sanjuas por presunta falsificación documental.
Según Veciñ@s o pasado 10 de maio, o equipo de goberno de Boqueixón aprobaba unha factura de 140 € pola figura do recoñecemento extraxudicial de crédito. A factura correspondía a unha comida duns traballadores que estaban realizando arranxos no campo de fútbol de O Forte.
A factura ven acompañada de dous informes asinados polo Concelleiro de Servizos Xerais Jesús Sanjuas, dicíase que correspondía a un menú servido a seis traballadores para continuar cos traballos na obra do campo de fútbol do Forte en xornada de tarde. Según Veciñ@s os 6 traballadores na data da factura e na que aparece no informe non formaban parte da plantilla do Concello.
Ante as explicacións contraditorias que deu o propio concelleiro no pleno, o grupo municipal de veciñ@s procedeu a facer algunhas comprobacións.
Informe do 23 de marzo do 2017- “Jesús Sanjuás Mera, concelleiro de Servizos Xerais, Seguridade e Medio Ambiente do Concello de Boqueixón
Informa: Que con data 19/12/2017 os 6 albaneis que se atopaban na obra do campo de fútbol do Forte, coa finalidade de continuar coas obras pola tarde, desprazáronse a comer ó Restaurante A Cañiza en Camporrapado. Boqueixón, 23 de marzo de 2017 “
Cotexando os datos do informe coas nóminas e contratos dos traballadores compróbase que os 6 traballadores estaban dados de baixa no día que reflicte o informe, 4 deles con data 17/12/2016 e dous con data 03/12/2016.
Según Veciñ@s so hia dúas explicacións posibles:que os traballadores traballaron estando de baixa pu que o Sr. Sanjuás minta no seu informe.
Veciñ@s considera que estes feitos poderían considerarse delitos de corrupción como prevaricación, falsidade documental ou delitos en materia laboral e reclaman ao concelleiro, aos servizos de intervención e ao propio Alcalde, explicacións.
Veciñ@s solicita do alcalde o cese fulminante do concelleiro de Servizos Xerais, así como un informe aos servizos de intervención.
