Durante o último pleno o alcalde confirmou que moitas das empresas contratadas teñen relación co equipo de goberno
[columns]
[column size=”1/2″]Padrón, 12 de outubro de 2016 – A formación política Veciños de Padrón denunciou a pasada semana, a través da súa páxina de Facebook, a constante contratación de familiares levada a cabo por parte do goberno padronés, actualmente en mans do Partido Popular.
Durante a sesión plenaria do pasado 29 de setembro a Concelleira de Veciños de Padrón, Teresa Rey, solicitou no turno de preguntas que o Alcalde explicara á relación familiar existente entre os membros do equipo de goberno e as empresas Cándido Sanmarco e Hijos S.L.; Instalaciones Ducho. Cándido Sanmarco Santos; Construcións Xelacal S.L.; Aluminios Sefer S.L.; P&P Distribuciones. Damián Perol Mariño, contratadas de xeito regular polo concello. O propio alcalde foi quen confirmou, respondendo a esta pregunta, que todas as empresas citadas pertencen a familiares (pais, primos e sobriños entre outros), tanto seus coma de diferentes concelleiros do seu equipo de goberno.
Todas as contratacións feitas a estas entidades son realizadas, sen contar coa oposición, a través da Xunta de Goberno Local, órgano no que participan exclusivamente o alcalde e os seus concelleiros. O total de cartos invertidos nestas contratas, de abril de 2015 ata o actual mes de setembro, ascende a 114.943,61 euros.
Pero se gastar os fondos públicos contratando a empresas de familiares do goberno xa é grave, máis o é facelo incorrendo en ilegalidades. Este é o caso da empresas P&P Distribuciones, pertencente a “o fillo do sobriño” do Concelleiro José Ramón Pardo e que, nunha factura por valor de 12.000€, deu lugar a un Reparo Suspensivo por parte da interventora municipal supostamente por non cumprir a lei en materia de contratación.
.[/column]
[column size=”1/2″]
[/column]
[/columns]Ante esta situación reiterada no tempo, e vista a total falta de ética e moralidade do equipo de goberno do Partido Popular, a formación política Veciños de Padrón quere facer pública a súa denuncia para que os veciños e veciñas do municipio poidan coñecer a actitude e as actuacións dos seus gobernantes. Ademais disto, a formación denunciou fai xa un ano o constante levantamento de Reparos Suspensivos feitos polo goberno ante o Tribunal de Contas, do que aínda non recibeu resposta
