Concello e veciñanza convocan a unha protesta este sábado día 12 en contra do proxecto de rehabilitación, peche e abandono da canteira Pedra Facha no que situaría o vertedoiro de Niveiro.
A nova publicación sobre o proxecto de rehabilitación, peche e abandono da canteira Pedra Facha na que se pretende desenvolver o vertedoiro de Niveiro leva á Plataforma veciñal a convocar unha cacerolada.
O pasado venres 28 de marzo a Xunta publicou , a instancias da promotora do proxecto, o proxecto do vertedoiro e dou un prazo de 30 días para presentar alegacións. É a terceira vez que o proxecto sométese a exposición pública.
Dende o Concello, a Asociación e os respectivos técnicos, e avogados constatouse que se trata dos mesmos proxectos que se viñan revisando; este novo aprazamento conta cun texto exactamente semellante aos anteriores.
A plataforma de Niveiro e o Concello de Val do Dubra consideran fundamental contar coa participación activa dos cidadáns e seguir coas alegacións. Animan a aqueles que aínda non entregaron a “persoación como interesad@“ a facelo.
Se precisas axuda para presentar a túa alegación, a Asociación Medioambiental de Niveiro facilita modelos e asesoramento. Para ese contacto facilitan o enderezo electrónico ricardo.riveiro@niveiro.com e o teléfono de contacto: 614 217 712.
A Plataforma explica que para levar a cabo a denuncia pública deste procedemento “pouco transparente”, convócase unha Concentración/Cacerolada que se realizará diante do Concello de Val do Dubra o próximo sábado, 12 de abril, ás 20:00 horas.
A iniciativa busca dar voz á preocupación veciñal e garantir que as comunidades seguen implicadas no proceso de decisións que afectan o noso entorno.
