Bisbarra, 6 de agosto do 2024 – Concello e veciñanza de Val do Dubra buscan solucións xurídicas ao vertedoiro de Niveiro mentres continúan coas protestas.
Unha tractorada en contra do vertedoiro tivo lugar hai uns días polas rúas de Bembibre. En Val do Dubra continúan en activo 133 explotacións gandeiras, cun censo de 5.387 cabezas de gando bovino, un dato que reflicte a importancia histórica deste sector no concello, especialmente no sector lácteo.
Dende a Asociación Medioambiental de Niveiro expoñen unha vez máis que non poden “permitir que este sen sentido de proxecto remate coa vida e o futuro dos nosos fillos”.
Un proxecto foi autorizado para a apertura dun vertedoiro de residuos a ceo aberto a menos dun quilómetro das vivendas e das explotacións gandeiras “non pode ter un informe Mediombiental favorable. Instamos á Xunta de Galicia a manifestarse e a dar transparencia á situación ”.
Desde o Concello de Val do Dubra manifestan o seu apoio á plataforma e afirman “seguir buscando solucións en conxunto para que o proxecto non siga adiante porque suporá un gravísimo problema medioambiental na zona ademais da problemática particular dos dubreses e dubresas”. A manifestación foi seguida por centos de persoas e un gran número de tractores que saíron a rúa para dicir, unha vez máis, “Vertedoiro non!”
