Bisbarra, 20 de decembro do 2024 – Sumamos a programación de Nadal de outro concello, Val do Dubra, que comezará esta mesma fin de semana coincidindo co clásico sorteo da lotería.
Este domingo 22 de decembro comeza a programación de Val do Dubra cunha Festa de Nadal. Iniciase cun pasarrúas co espectáculo musical Trashumancia Sonora e a visita de Papá Noel. A saída terá lugar ás 17.00 horas desde o concello ata o pavillón municipal, onde haberá inchables, chocolate quente e rosca. Ademais haberá un mercado de Nadal desde as cinco da tarde.
O luns 23 é o momento dos Contacontos e a música con Pablo Díaz. Indicado para nenos e nenas de 0 a 4 anos, dentro do programa Apego. Será na Casa da Cultura ás 18.00 horas.
Os inocentes, e os que non o son, poderán poñer a pensar as súas cacholas o día 28. Val do Dubra organiza un Torneo de Xadrez na Casa da Cultura desde as 17.00 horas.
Remata o ano e o día 31 celébrase a clásica Carreira San Silvestre con saída do Campo da Feira, ás 12.00 horas. Non é precisa inscrición.
Xa no 2025, o 4 de xaneiro, a Agrupación deportiva Dubratambre organiza un Torneo Tenis de mesa no CPI Bembibre, a partir das 16.00 horas. Oara inbscribirse hai que chamar ao 689 549 385 ou tamén no propio día previo inicio. Unha competición para todas as idades e categorías.
Por suposto o 5 de xaneiro terá lugar a Cabalgata de Reis. A tradicional cabalgata partirá ás 17.00 horas desde o Campo da Feira e rematará no pavillón municipal, onde se ofrecerán inchables, chocolate quente e rosca.
Ademais, para facilitar a conciliación das familias durante as festas, o concello organiza o Campamento Concilia, que terá lugar nas seguintes datas: 23, 24, 26, 27, 30 e 31 de decembro de 2024, e o 2, 3 e 7 de xaneiro de 2025. O horario será de 7.30 a 16.00 horas na Casa da Cultura.
