Bisbarra, 20 de marzo do 2023 – A pregunta sobre o proxecto de parque eólico Vilartoxo, levada a comisión parlamentaria polo PSdeG Psoe, segue se convencer á veciñanza de Val do Dubra e A Baña, concellos afectados.
O Director xeral de Planificación Enerxética e Recursos Naturais, Pablo Fernández Vila, aseguro que o proxecto conta con todos os informes favorables. Vila engadiu que ademais a aprobación da declaración de impacto ambiental, DIA, para Vilartoxo implica que se tomen unha serie de medidas.
A pregunta foi presentada despois de que as alegacións da veciñanza non foran tidas en conta. A socialista Noa Díaz acusou á Xunta de Galicia de agochar o expediente e deixou unha serie de cuestións pendentes de aclarar. Díaz lembrou na súa intervención que a Xunta modificou a distancia á que deben colocarse os parques eólicos e que o proxecto Vilartoxo foi modificado tras estes cambios polo que a DIA inicial podería non servir
A socialista preguntábase tamén porque o parque de Barrosindo, no concello da Baña e limítrofe co de Vilartoxo, non conseguira a DIA favorable e este si. Lembrou que a cen metros de xacementos arqueolóxicos colocaranse aeroxeradores e rematou emprazando ao Director Xeral a darlles o expediente completo si realmente existe transparencia na tramitación
O Director xeral de Planificación Enerxética e Recursos Naturais, Pablo Fernández Vila, comezou dicindo que a Xunta non pode aplicar as normas con efectos retroactivos. Unhas palabras interrompidas por Noa Díaz que aludía a que de ser así a DIA que se aplicaba era a prevista para o proxecto inicial e non para o refundido que era posterior
Fernández Vila continuou dando datos sobre o número de proxectos con declaración ambiental negativa. Para o Director Xeral que haxa proxecto con DIA negativa quere dicir que os que a teñen positiva compren cos requisitos
No resto da intervención Pablo Fernández Vila non aclarou nada máis e limitouse a dicir que si o proxecto fora tramitado polo goberno central non habería nin período de alegacións. Quedou no aire a dúbida sobre a necesidade dunha nova DIA si o proxecto foi modificado ou porque non se considera que existe un fraccionamento cando a proximidade dos proxectos é evidente.
Os socialistas seguen ademais denunciando que, pese a ser obrigatorio por lei, non reciben os expedientes completos para poder analizalos. Sobre este particular, e a invitación de Noa Díaz a que remitira o proxecto de inmediato, Pablo Fernández Vila limitouse a dicir que sempre que se solicitou información foi suministrada.
