Bisbarra, 24 de decembro do 2024 – Impulsado desde Val do Dubra e co apoio dos concellos da Baña, Negreira e Santa Comba comeza o obradoiro de emprego “Rexenera 2024”.
“Rexenera 2024” está financiado mediante unha subvención outorgada pola Consellería de Emprego, Comercio e Igualdade, permitirá formar e contratar a 20 alumnos e alumnas en dúas especialidades profesionais:
Limpeza en espazos abertos e instalacións industriais (seag0209) con 12 prazas dispoñibles.
Operacións auxiliares de revestimentos continuos en construción (eocb0109) pensado para 8 participantes.
“Rexenera 2024” está dirixido a persoas maiores de 18 anos e terá unha duración de 9 meses. O inicio da formación contou coa presenza de Diego Luís Díaz, alcalde de Val do Dubra, Antonio Negreira, tenente de alcalde de Val do Dubra, Alberto Romar, alcalde de Santa Comba, Manuel Ángel Leis, alcalde de Negreira, Vanessa Gil, concelleira de Formación da Baña e Belén Docampo, delegada territorial da Xunta de Galicia.
Este Obradoiro de Emprego é unha oportunidade clave para fomentar a inserción laboral, ofrecer formación cualificada e contribuír ao desenvolvemento económico e social dos catro concellos implicados.
