O concello de Val do Dubra ven de rematar a obra de mellora do acceso ao Xacinto Amigo Lera de Portomouro, incluída no POS+adic 2/2024.
Unha actuación que forma parte do primeiro Plan de Obras aprobado polo actual Goberno municipal, e quedou xa finalizada para beneficio da veciñanza e da comunidade educativa do centro.
A mellora supón un paso importante para garantir uns accesos máis cómodos e seguros ao CEIP Plurilingüe Xacinto Amigo Lera, que este ano celebra 50 anos de historia impartindo ensinanza Infantil e Primaria á rapazada da contorna.
O Concello de Val do Dubra reafirma así o seu compromiso coa mellora das infraestruturas locais e coa educación pública de calidade, traballando para dotar aos centros educativos de condicións adecuadas para o seu día a día.
