займ срочно

Val do Dubra terá un aula especializada no alzhéimer

0

Bisbarra, 29 de marzo do 2023 – O concello de Val do Dubra formará parte desde xullo dos concellos, só sete na actualidade en toda Galicia, que acollen unha aula especializada no tratamento do alzhéimer.

Trátase dun servizo específico de estimulación terapéutica para persoas con alzhéimer  ou outras enfermidade neurodexenerativas. A aula saíu xa a licitación tal e como lle comunicou  Antón Acevedo, director xeral de Maiores e Atención Sociosanitaria da Consellería de Política Social, ao alcalde, José Manuel Varela, no transcurso dunha reunión en Bembibre.

Varela Ferreiro destacou que, unha vez estea operativa, “Val do Dubra vai contar cuns servizos sociais de primeiro nivel para atender á veciñanza”. Fixo ademais mención a que o municipio xa conta cun aula de atención temperá e un aula de envellecemento activo (cunha trintena de usuarios cada unha) e que nos últimos anos triplicou o número de horas financiadas polo Goberno autonómico para o Servizo de Axuda no Fogar.

Na súa visita a Val do Dubra, Antón Acevedo reuniuse con José Manuel Varela, coa concelleira Rosa Parafita, a traballadora social, a educadora familiar e co persoal que atende a aula do maior e de atención temperá, para explicarlles os pormenores do proxecto.

A nova aula de alzhéimer sae a licitación  cun investimento estimado de 268.200 euros en cinco anos, duración máxima do contrato. O obxectivo é a prestación do servizo de estimulación terapéutica para 10 persoas no Concello de Val do Dubra, así como o transporte vinculado ao mesmo.

O director xeral aclarou que as persoas usuarias deberán ter recoñecido un grado 3 de dependencia e contar no seu PIA (plan individualizado de atención) coa asignación deste servizo. Cada persoa recibirá un máximo de 45 horas mensuais de atención, en horario de mañá ou tarde, segundo estableza a entidade adxudicataria, que tamén poderá acordar coas familias ou as persoas usuarias máis horas de sesións, que xa non estarán financiadas pola Xunta.

O contrato xa establece un prezo de 7,26 euros a hora de estimulación terapéutica e 6,05 euros o transporte. As empresas interesadas en participar nesta licitación teñen 30 días naturais para presentar a súa oferta.

Oitava localidade de Galicia

Val do Dubra será a oitava localidade de Galicia que contará cunha aula de estimulación para persoas con alzhéimer ou enfermidades neurodexenerativas financiadas pola Xunta. Ata o momento, a Consellería de Política Social conta con 75 prazas contratadas en Santiago, Ourense, A Estrada, Marín, Tui, Moraña (cada unha delas con 10 prazas) e Mos (15 prazas). En todos os casos, estas aulas están xestionadas por asociacións de familiares como Agadea, Afaor, Afapo ou Afaga.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies