A Estrada, 15 de febreiro do 2022 – A Asociación cultural Vagalume presentará o vindeiro 18 de febreiro o libro De Compostela ao Pico Sacro.
A cita é no MOME da estrada a partir das oito e media da tarde. De Compostela ao Pico sacro está escrito por Calros Solla, Yolanda Aldrei e Heitor Picallo. No acto proxectarase tamén un vídeo sobre a actividade de lectura desenvolta no cumio do pico, coordina por Marcos Maceira, e centrada no Alba de Gloria.
Desde Vagalume explican que a lectura no Pico Sacro do Alba de Gloria queren render homenaxe ” a Castelao, e a todas as luceciñas e vagalumes que nutren o humus vivificador do noso país”.
O libro De Compostela ao Pico Sacro. Alba de Gloria 2011 -2021 dá conta do acto que anualmente, coincidindo co sábado antes do 25 xullo, Día da Patria Galega, decorre no curuto do monte.
No libro descríbese o transcurso da lectura do discurso Alba de Gloria de Alfonso D. Rodríguez Castelao. Recóllense os textos que, desde 2011 até 2021, redactaron para o acto David Otero, Mª do Pilar García Negro, Marga do Val, Xosé Luis Santos Cabanas, Calros Solla, Miro Villar, Marica Campo, Mercedes Queixas, Marta Dacosta, Iolanda Aldrei e Héitor Picallo. Todos e todas prestixiosas autoras que leron os seus escritos e, en ocasións, dirixíronse ao público asistente a este recoñecemento.
A Asociación Cultural Vagalumes é membro de Galiza Cultura, federación da que é cofundadora, ao igual que a AC O Galo, que tamén colabora para levala a cabo.
