займ срочно

A USC organiza a Mostra de Teatro Universitario de Galicia

0

Compostela, 2 de abril do 2024 – A universidade de Santiago de Compostela, USC, centra a súa actividade cultural do mes de abril no teatro con dous festivais en Santiago e Lugo.

A Aula de Teatro da USC  desenvolverá en Lugo o Festival de Teatro Universitario e uns días despois en Compostela a Mostra de Teatro Universitario de Galicia. Estas dúas citas completaranse con varios obradoiros de arte escénica, a iniciativa ‘escaparArte’ e a presentación do exercicio final da Escola de Teatro.

Mostra de Teatro Universitario de Galicia

A partir do día 22 desenvolverase en Santiago a XXII Mostra de Teatro Universitario de Galicia, coa participación das compañías da USC Calopsia Teatro, El Enredo, Brinco de Venus, Compañía de teatro da USC-Campus de Lugo e Aula de Teatro da USC, o grupo Maricastaña e a compañía independente da USC LaBarata Producións.

As obras dos días 22, 23, 24 e 30 de abril serán ás 20:30 horas no Teatro Principal, mentres que as funcións dos días 26, 27 e 29 serán na Sala Roberto Vidal Bolaño ás 21:00 horas. A entrada é tamén de balde, previo paso pola billeteira.

Actividades complementarias

O programa para este mes de abril contempla tamén os obradoiros de arte escénica, que iniciará en Compostela Rebeca Montero cun de interpretación entre os días 10 e 14 de abril e continuará con outro de clown da man de Marián Bañobre entre o día 17 e o 21. O prazo de inscrición en liña nestes obradoiros está xa aberto a través do enderezo marea.cultura@usc.gal     

Este abril escénico complétase coa iniciativa participativa ‘EscaparArte’, que contempla a intervención de diversos artistas en distintos escaparates de establecementos comerciais do casco histórico de Lugo.

Por último, ‘Variacións Goldberg sobre homes, cans e Matías Galetto (con doble “t” de trava, hijo de puta)’ é o título da obra que estreará o 16 de abril a Escola de Teatro da USC como parte do exercicio final. Haberá dous pases, ás 19:30 e ás 20:30 horas na Sala de Teatro Roberto Vidal Bolaño.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies