Compostela, 17 de abril do 2023 – Este sábado abriu na Igrexa da Universidade a mostra “Whispering Mirrors” do artista Rodrigo Gomez dentro do programa Primavera Cultural.
A mostra “Whispering Mirrors” naceu co Apoio à Internacionalização, da Direcção Geral das Artes da República Portuguesa e poderá ser visitada ata o 3 de xuño de 2023, de mércores a sábado, e en horario de 11 a 14 horas e de 17 a 20.30 horas.
Rodrigo Gomes presenta a segunda parte dun proxecto que naceu en Carpintarias de São Lázaro en Lisboa (Portugal) en 2021. O argumento expositivo trata sobre a tecnoloxía e as súas posibilidades materiais e virtuais.
“Whispering Mirrors” integra cos elementos propios da Igrexa da Universidade ( retablos, aras, arte sacro…) dispositivos materiais e atmosferas de fluxos especulares nos que esculturas, obxectos técnicos, imaxes e sons se constitúen como realidades animadas. A mostra produce unha tensión permanente, ás veces por procesos de oposición, outras por liñas de continuidade, entre os movementos internos á tecnoloxía contemporánea e todas as aspiracións e crenzas que subxacen nos mecanismos da relixión. É dicir, entre todas estas pantasmas.
