Compostela, 13 de febreiro do 2025 – A USC leva 50 anos formando filólogos, desde que abriu a facultade no 1975. Moitos deles acabaron sendo músicos e agora volverán para conmemorar ese aniversario cun concerto.
A facultade de filoloxía da USC inaugurábase os días 23 e 28 de febreiro de aquel ano cos primeiros traballos dunha cunha comisión xestora. O vindeiro día 26, as sete da tarde e no Auditorio de Galicia, a USC organiza o concerto Scripta manent, verba volant, preparado pola comisión organizadora e o equipo decanal.
Coordinado por Xurxo Souto, no concerto participarán persoas egresadas da facultade que son profesionais da música como Pauliña, César Morán, Eladio Santos, Alba María, Filólogos de Ataque Escampe (Samuel Solleiro, Miguel Mosqueira, Álex Charlón), Carlos Valcárcel (Projecto Mourente), Noemi Basanta, Xurxo Souto, Laura Lamontagne, Susana De Lorenzo, Leo De Matamá, Uxía, Alfredo Dourado e Antón Reixa.
A USC quere convidar a esta viaxe polas últimas cinco décadas da música galega toda a comunidade universitaria, que disporá de prazo para anotarse ata as 9 horas do 17 de febreiro. A partir do día 18, logo de recibir confirmación, poderase recoller o billete (e o da persoa acompañante, no seu caso) no Punto de Atención, Información e Servizos do propio centro universitario.
