Compostela, 5 de febreiro do 2020 – O Museo de Historia Natural celebra o vindeiro sábado 15 de febreiro, un obradoiro infantil sobre o impacto humano no círculo de vida.
Os que acudan ao Museo de Historia Natural descubrirán a biodiversidade de seres vivos en relación ao que comen, comprenderán o concepto de cadea trófica mediante un xogo de rol, comprobarán con experimentos os efectos dos gases contaminantes na atmosfera e realizarán o seu propio círculo de vida.
Os grupos serán de mínimo 20 e máximo 30 persoas, que deberán facer reserva previa na web do museo. A actividade desenvolverase en horario de 11.00 a 13.00 horas e o prezo por persoa é de 4€. O responsable da actividade será Xabier Santiso, licenciado en Bioloxía.
