Presentan o seu quinto disco titulado “Lovismo” do que xa falamos en Lindeiros cunha das súas integrantes.
A Primavera Cultural da USC achega á Banda da Loba á Igrexa da Universidade, seguramente a sala de concertos máis icónica da cidade. Veñen a presentar o seu quinto disco “Lovismo”. A cita o xoves, as 9 da noite.
ABDL está integrada por Andrea Porto (baixo), Estela Rodríguez (violín), Marcela Porto (percusión), Xiana Lastra (voz) e Iria de Cabo (guitarra), que chega á formación substituíndo a Inés Mirás.
A banda irrompeu na escena musical galega con Bailando as rúas (2017) co que acadaron un grande éxito grazas ao seu heteroxéneo estilo musical. Agora presentan xa o seu quinto traballo, no que as diversas formas de expresión do amor son o fío condutor, un fío vermello que une dende o corazón.
A entrada para o concerto do xoves é libre ata completar a capacidade da sala, previa recollida de entradas (máximo 2 por persoa) desde as 20.30 horas na Igrexa da Universidade o mesmo día do concerto. A apertura de portas será ás 20.50 horas.
