Vedra, 15 de setembro do 2021 – As reunións sen control son un problema do rural durante toda a pandemia. Vedra o viviu hai unhas semanas no cemiterio de San Mamede.
Os feitos tiveron lugar na última semana de agosto. A Garda Civil de Brión recibe un aviso de madrugada da Central Operativa de Servizos para que acuda ao cemiterio de San Mamede de Rivadulla en Vedra.
Ao chegar ao cemiterio a iso das catro e media da mañá os axentes atopáronse con máis de 30 persoas reunidas na explanada, algunhas das cales votaron a correr.
A Garda Civil identificou a máis de 10 persoas das que o Concello de Vedra está tramitando as respectivas multas. Según o relato dos denunciados, dirixíronse alí tras pechar un local de ocio nocturno de Ponte Ulla. As denuncias foron interpostas por incumprir a normativa que limita o número de persoas nas reunións, tanto en interior como exterior.
Desde o concello pídese extremar a precaución e respectar as normativas autonómicas de prevención da Covid. Faise tamén unha chamada á veciñanza para que colaboren tamén para detectar este tipo de feitos que poñen en risco a toda a poboación.
