Casa consistorial de Santa Comba
Bisbarra, 19 de outubro do 2022 – O Tribunal de Xustiza de Galicia ven de anular a licencia outorgada pola Xunta de Goberno Local de Santa Comba que legalizaba unha traída de auga privada en Santa Comba.
Trátase do conflito de Grixoa que contamos en Lindeiros en xuño do 2021 e posteriormente en setembro de 2021. Un proceso que ven da lexislatura anterior, con María José Pose como alcaldesa e que se resolve case catro anos despois coa mesma rexedora e un período entre medias do goberno bipartito Psoe CxG.
O conflito supoñía na práctica que uns veciños non tiveran auga da traída, pese a estar a 800 metros da traída municipal, e que se lles quixera obrigar a conectarse a unha privada. Unha traída pertencente á Comunidade de usuarios de augas de Grixoa, cuía legalización ven de ser anulada en esta sentenza.
A denuncia presentada polos veciños foi desestimada en primeira instancia. Agora o Tribunal Superior de Xustiza de Galicia anula esa desestimación e a legalización da obra por parte da Xunta de Goberno Local.
O resumo é que o proxecto da obra foi realizado por un arquitecto coa cualificación profesional obrigada para este tipo de obras. Este dato non foi cuestionado, no proceso xudicial, polo concello e a sentenza lembra que o deberían ter tido en conta.
Este caso demostra a necesidade dunha xustiza áxil. Por outra banda os concellos non deberían dubidar a hora de facilitar servizos públicos á veciñanza. Non se entende que se promova na práctica unha condución de auga privada tendo no mesmo espazo unha pública.
Si queres ler a historia completa o podes facer nos seguintes enlaces: xuño do 2021 e setembro de 2021.
